Ang lotto outlet nga nahimutang sa atubangan nga bahin sa Mitsumi Industries Corporation sa barangay Sabang sa dakbayan sa Danao gipanag-iya ni Ramonette Mahinay.
Si SPO1 Rodrigo Roble sa Danao Police Station miingon nga ang nagtulis mao ang tulo ka wala mailhing lalaki nga pulos mga batan-on nga nagpanuigon og 20 ngadto sa 25.
Si Eva Miro, migawas gikan sa sulod sa maong lotto outlet apan kalit lamang kining gisugat sa duha ka wala mailhing mga batan-ong lalaki.
Gisakiyo sa mga tulisan ang duha ka shoulder bag sa biktima nga maoy gisudlan sa ilang halin ug cellphone og dayon niining pagpanggawas ug misakay sa nagpaabot nga motorsiklo.
Matud pa ni SPO1 Doble nga dihang wala pa mopabulhot sa pagpadagan ang usa sa mga tulisan miibot sa armas ug mipasalba kini sa makatulo ka higayon.
Sa crime scene maoy ilang nakaplagan sa mga awtoridad ang pipila ka mga kabhang sa bala sa kalibre 45 nga pistola.