Ang pagpanulis nahitabo alas 2 pasado ang takna sa miaging kaadlawon sa Banilad sa siyudad sa Sugbo.
Ang nadakpan mao sila si Glendo Lumapas, ulitawo nga lumad nga taga Butuan ug nagpuyo sa V. Rama sa dakbayan sa Sugbo ug Carlos Mercadan, hingkod ang panuigon nga taga lumad nga taga lalawigan sa Bohol.
Si Nestor Bragat, hingkod ang panuigon, minyo nga drayber sa taksi ang gisakyan sa mga suspetsado sa dalan Colon sa dakbayan sa Sugbo ug nagpahatod kini sa Banilad.
Mideklarar og tulis ang duha ka mga suspetsado sa paghidangat sa maong dapit apan nakahigayon sa pagpakiglayog ang biktima sa mga suspetsado.
Ang usa sa mga suspetsado dali usab nga mihansak sa kutsilyo ug naigo ang dughan sa biktima.