NPA miatake

Gibana-banang kapin 20 ka mga gituohang mga sakop sa New Peoples Army ang gikatahong miatake sa usa ka detachment sa Philippine diha sa Sitio Nawacap, Barangay Mantikil sa lungsod sa Seaton.

Ang maong pagpangtake gikatahong nahitabo alas 4 sa kadlawon apan human sa tulo ka oras nga binayluay og bala misibog ang mga rebelde sa maong dapit ug kasamtangan nang gigukod sa militar ug kapolisan.

Walay nataho nga nasamdan sa maong insidente sa duha ka habig.

Si Central Command spokesman Col. Jefferson Omandam mibutyag sa mga tigbalita nga ang grupong miatake sa maong kampo gipanguluhan sa usa ka giilang "ka Anton" nga nag-operate sa maong lugar.

Giangkon usab ni Omandam nga gisirad-an gyud sa mga sibilyan ang maong dapit aron kapugngan nga may maigong sibilyan atol sa gihimong hot pursuit sa mga kasundaluhan didto.

Samtang gipasangil nga Omandam nga nga usa ka patraydor ang kanunayng pamaagi sa mga rebelde sanglit kanunay na nilang buhaton mao ang pagpahigayon og mga tigum-tigum sa mga komunidad samtang gikamang usab ang mga kampo sa militar.

Subay usab sa maong insidente gipasanginlan ang mga kasundaluhan didto sa Barangay Camingawan sa dakbayan sa Cabangcalan nga misignit sa pito ka mga sakop sa Kilusan Magbubukid ng Pilipinas niadtong Sabado.

Sumala pa sa taho nga gibabagan sa mga militar ang usa ka sakyanang giluwanan sa mga sakop sa KMP diha sa naasoyng lugar, giingong mga sakop kadto sa 61st Infantry Battalion ug gitanggong sila tibuok gabii diha ilang kampo.

Matud pa sa Karapatan nga si Fred Cañas sa pakighinabi sa lokal nga sibyaanan sa Sugbo nga ang mga gisignit mao sila si Morito Jonson, Charity Villar, Abraham Villanueva ug asawa niining si Marilou Villanueva, Dario Dayanan, driver nga si Rico Abrazado ug Jeremy Jellege nga iyang helper.

Ang grupo giingong gikan pa sa usa ka mapangtigum sa Dumaguete City padulong na unta mopauli sa ila dihang nahitabo ang pagsignit.

Giingong pagkaalas 11 sa buntag gihatud ang pito ngadto sa usa ka Police station apan pila ka oras ang milabay gikuha na usab sa laing grupo sa mga militar ug wala na hisayri kun hain gidala, apan nagduda silang didto gidala ang grupo sa kampo sa Candune, Negros Oriental.

Si Omandam sa iyang bahin wala mokumpirmar niini sanglit wala pay report gikan sa maong mga army units nga midangat sa Central Command, apan matud pa niya nga istrikto ang militar ngadto sa ginsakupan kun mag-abuso sa mga sibilyan sa sayo pa nga interbyu.