Lote sa railway adto's urban poor

Dako ang purohan nga maangkon sa mga miyembro sa urban poor organization ang mga lote sa kagamhanan nga gipanag-iya sa Philippine Railway (PR) sa Mohon ug Pooc, dakbayan sa Talisay City.

Kini tungod kay mipabor si Mayor Socrates Fernandez nga mapanag-iya kini sa kasamtangang nagpuyo pinaagi sa programa sa kagamhanan nga "land tenure program."

Apan hinoon gipaabot pa sa mayor ang tubag gikan sa mga PR aron makahimo dayon siya og dinaliang desisyon niini.

Sayo niini may mikabat sa 200 kapin ka tawong sakop sa tulo ka pundok sa urban poor sa Talisay ang mipadalag suwat kang Mayor Fernandez nga naghangyo nga tugotan sila sa pagpanag-iya sa mga yuta sa PR.

Ang maong yuta giingong kaumahan kaniadto ubos sa Comprehensive Agrarian Reform Program (CARP), sa Department of Agriculture (DA).

Dihang gi-award kining maong mga lote ngadto sa 11 ka mga mag-uuma, gipamaligya usab sa naulahi ang ilang mga bahin ngadto sa mga nanagpuyo niini karon. Imbis kaumahan, nahimo na karong mga lote ngadto sa 11 ka mga mag-uuma, gipamaligya ang maong lugar ug ubos na sa comprehensive land use program sa kagamhanan sa Talisay.