Negosyo ipaangay sa mga drayber

Suportado sa tsirman sa committee on transportation sa konseho sa dakbayan sa Sugbo ang lakang sa Cooperative Development Authority (CDA) nga pagpaangay og mga livelihood projects sa pamilya sa mga drayber dinhi sa Sugbo.

Mipasalig usab si Konsehal Sylvan Jakosalem nga motabang sa mga drayber aron hangyuon si Mayor Tomas Osmeña nga mogahin og pundo ang dakbayan alang sa mga pasiugdahan nga livelihood programs.

Ang administrator sa CDA Benjamin Yu maoy misugyot ning maong paagi nga pagpaangay og mga livelihood program sa pamilya sa mga drayber aron dunay extra-income ang maong pamilya.

Gihulagway usab kini nga usa ka paagi aron pag-discourage sa mga laraw nga paglusad og mga transport strike.

Hinuon giawhag sa konsehal ang kahugpungan sa mga drayber nga magpa-rehistro una kini sa Securities and Exchange Commission (SEC) ug magpa-accredit sa dakbayan una pa mo-lobby sa siyudad aron makakuha og hinabang pinansyal.