Kolektor gitulis sa nagsul-ob og bonet

Kolektor gitulis niadtong Martes diha sa Baray Dapitan, lungsod sa Cordova sa usa ka lalaking nag-bonet.

Ang biktima nailhan nga si Arlene Zulletas Manzanadales, 21 ug molupyo sa Brgy. Lawaan sa siyudad sa Talisay.

Sumala pa sa kapolisan kasamtangang nagsakay ang biktima og traysikad gikan sa barangay Cogon paingon unta sa Barangay Ibabao sa mao ra gihapon nga lungsod dihang miabot sila sa Sitio Soccoro sa naasoy'ng barangay kalit nga gituonan siya og armas de fuego dayong pugos og kuha sa iyang bag nga gisudlan sa P30 mil nga koleksyon.

Sa imbestigasyon nga gihimo sa kapolisan nailhan ang suspetsado nga si Illuminado Sumalinog Jr. alyas Cocoy nga residente ra usab sa Barangay Cogon.

Si SPO1 Eustaquio Sanchez sa Cordova Police sa pakighinabi sa Banat News nga wala na maabti ang suspek sa pag-abot sa mga polis.