Olango way suga, namuyo nireklamo

Mireklamo ang mga lumolupyo sa 11 ka barangay sa isla sa Olango sa dakbayan sa Lapu-Lapu tungod kay panahon na lamang sa gabii ang elektrisidad niini.

Makasinati og brown out ang tibuok isla sa Olango sa panahon sa adlaw kay ang Mactan Electric Company (MECO) nga maoy naghatag kanila dili naman makaserbisyo sa adlaw ug gabii.

Ang MECO sa ilang pagpasabot ngadto sa mga lumolupyo nga ang hinungdan sa nasinating kakulian sa serbisyo sa elektrisdidad sa maong dapit mao ang kakulang sa krudo sa Salcon nga maoy nagpadagan sa kuryente sa Olango.

Naglisod kinig kakargahang sakyanan sa kadagatan nga maoy mohatod ngadto sa Salcon aron maka-operate kini sa adlaw ug gabii.

Si Jesus Amistoso nga usa sa mga lumolupyo sa maong dapit misugilon sa Banat News nga mireklamo niini ang mga lumolupyo kay nakahatag na man kini og dakong epekto sa ilang pagpuyo ug panginabuhi.

Sumala pa niya nga pipila na ka tuig ang nakalabay nga ang serbisyo sa elektrisidad sa MECO ang adlaw na gayod ug gabii.

Kini ang hinungdan nga nakapamalit na sila og telebisyon, refrigerator ug ang sulod niining ilang gipundo nga isda ug karne.