Ang maong pagtuo gipadayag ni Supt. Paul Labra, hepe sa Cebu Intelligence and Investigation Branch (CIIB), kinsa nagkanayon nga gamay ra kaayo ang kuwarta nga nadala sa mga tulisan.
Suma pang Labra, ang pagdinalidali sa mga kawatan aron dili hisakpan sa mga polis maoy hinungdan nga matud pa wala makaabot og P50,000 ang ilang natulis.
Kuwang ra kaayong bahinbahinon sa maong mga tulisan og dili gani makasapar sa kantidad nga ilang gigasto sa pag-anhi sa Sugbo ug sa mga preparasyon nga ilang gihimo.
Gituohan nga ang mga tulisan sakop sa pundok sa mga kawatan nga gikan sa Mindanao kinsa giabagan sa mga tulisan sa Sugbo.
Dako ang posibilidad nga naghuwat lamang kining mga tulisan nga mohilom og dyutay ang isyu ug moatake nausab kini, ni Labra pa.
Busa higpit nga giwarningan sa kapolisan ang mga bangko ug ubang dagkong establisamento sa pagpangandam batok sa posibleng pagbalik sa mga tulisan.