Ediegul di pabor sa patent sa SRP

Si Kongresista Eduardo Gullas sa unang distrito sa Sugbo dili pabor sa gipagawas nga "patents" sa pito ka lote diha sa Cebu South Coastal Road (CSRP) pabor sa Cebu City.

Matud pa ni Gullas nga ang pag-isyu og patent sa maong mga luna pabor sa dakbayan sa Sugbo dili makababag sa dakbayan sa Talisay sa pagpadayon sa ilang claim sa 53.44 nga ektaryang luna diha sa SRP.

Ang opinyon sa Department of Justice (DOJ) niadtong Abril 27 niining tuiga nagkanayon nga ang panagbangi sa dakbayan sa Talisay ug Sugbo kabahin sa luna sa SRP kinahanglan nga dunay "presidential proclamation" nga maisyu pag-ila sa ownership sa kagamhanan sa Sugbo sa SRP nga dili makapa-alkanse sa claim sa Talisay.

Ang pagdeterminar sa ownership gitugyan ngadto sa Sanggunian diin ang korte na niini ang kinahanglang mohatag og hukom.

Si Gullas nagkanayon nga ang pamahayag ni Regional Technical Director (RTD) Diana Apistar nagpasabot nga ang korte ug dili ang Department of Environment and Natural Resources (DENR) maoy moila sa validity sa pangangkon sa Talisay.

Matud pa usab ni Gullas nga gihangop niya ang DENR diin gihatagan niini og katungod sa ilang claim ang tulo ka private lot owners diin ang mga lote niini covered sa aprobadong surveys sa territorial jurisdiction sa Talisay.