Mga presinto i-computerize

Ipatuman na ang computerization sa tanang presinto sa kapolisan sa upat ka mga component Cities nga sakop sa Sugbo ug 47 ka mga munisipalidad.

Kini human gipahibalo sa hepe sa Cebu Provincial Police Office (CPPO) Supt. Vicente Loot nga giduso na nila ang feasibility study alang sa programa niini nga pag-computerize sa tanang police station sa kalungsoran.

Matud ni Loot dihang nahinabi sa usa ka ka sibyaanan nga ang labing moderno niining maong programa nga "Virtual Private Network" mao ang pagbutang og mga camera sa matag police station sa kalungsoran aron mamonitor ang mga kalihukan niini sa CPPO sulod sa 24 oras.

Gibutyag ni Loot sa higayon nga mapatuman na unya kini dili na gyud unya makaligoy ligoy pa ang mga polis panahon sa duty sama sa pagpangatulog panahon sa gabii gumikan kay makita man kini sa monitoring screen sa CPPO.