Pahimangno sa DENR

Bohol - Gipahimangnuan karon sa mga opisyal sa rehiyonal nga buhatan sa Department of Environment and Natural Resources kon DENR ang mga opisyal lokal nga muhatag sa dinalian nga aksyon sa ilang pagsulbad sa problema sa labayan og basura.

Kining maong pahimangno ilang giluwatan human mahibaw-i nga daghan pa karon nga mga lungsod ang walay gihimong aksyon aron masulbad ang ilang problema sa paglabay og paghipos sa basura.

Si Secretary Michael Defensor sa DENR miluwat usab og mando ngadto sa tanang mga regional director nga hatagan sa igong pakisusi ang lakang nga gihimo sa mga opisyal lokal.

Nakita ni Defensor nga gikinahanglan gayud kaayo nga ilang pakit-on ang mga opisyal lokal nga sinsero sila sa ilang kompanya.

Nahibaw-an hinuon nga si Mayor Dan Neri Lim sa dakbayan sa Tagbilaran ingon man ang silinganan niini nga mga lungsod sa probinsya mihimo na og dinalian nga lakang kabahin niini.

Gituki nila ang posibilidad nga paghimo og usa ka lugar nga adto ilabay ang ilang basura.

Si Kongresista Edgar Chatto sa unang distrito sa probinsya sa Bohol mihimo usab sa dinalian nga suporta niini.