3 ka suspek sa robbery gisusi

Nagpadayon karon ang pakisusi sa kapolisan sa pagkatawo sa tulo ka mga suspetsado sa pagtulis sa Land Bank sa Bogo nga nadakpan didto sa barangay Cabungahan sa lungsod sa Cawayan sa lalawigan sa Masbate niadtong miaging semana.

Nunot usab kini sa ilang nadiskubrehan sa kapolisan nga ang usa sa mga dinakpan nag-atubang usab og kasong murder ug may pending kining alias warrant nga giluwatan ang korte.

Si Provincial Special Operation Group Chief Inspector Juanito Enguerra nakadiskubre niini kinsa mao usab ang mi-serve sa alias warrant kang Felix Albores nga nag-atubang og kasong murder.

Sa nahibaw-an kang Enguerra nga si Felix Albores nga nag-atubang og kasong murder may pending nga alias warrant nga giluwatan ni Judge Mario Trinidad sa Branch 54 sa Regional Trial Court. Si Albores lumad nga lomulopyo sa Purok Acasia sa barangay Aquino sa Canlaon, Negros Oriental.