Proteksiyon sa kadagatan

NEGROS ORIENTAL - Gimando ni Gobernador George Arnaiz ning probinsya ngadto sa mga mayor sa kalungsoran nga muhimo gayud og lakang aron pagseguro nga mahatagan og proteksyon ang kadagatan ingon man masanta ang mga tawo nga muhimog kadaot niini.

Si Gobernador Arnaiz miluwat sa maong mando human niya makita nga adunay mga tawo nga padayon sa ilang pagpasipala sa kalikupan nalakip niini ang kadagatan.

Gipasabot ni Gobernador Arnaiz nga kinahanglan na gayud nga mulihok ang mga opisyal lokal kabahin niini.

Midugang ang gobernador nga ang mga opisyal sa barangay ilabi na gayud daplin sa sapa nga mulihok na batok niini.

Nanawagan usab siya sa pribadong sektor sa pagpaluyo usab niini nga kampanya.