Matud pa ni Fernandez nga hatagan lang una niya og higayon ang Santa Lucia tungod kay misaad man ang mga tagdumala niini nga motuman sa mga hangyo sa kagamhanan sa siyudad para masulbad ang nahitabong problema sa barangay Lagtang diin ang Santa Lucia maoy gipasanginlan sa mga residente sa maong barangay sa nahitabong pagdahili sa yuta diha sa ilang lugar ug nakahatag kaayo nila og kahasol.
Ang Santa Lucia adunay gibuhat nga development project diha sa barangay Candulawan ug Bulacao.
Si Fernandez midungag nga misumiter og contingency plan sa milabay'ng adlaw ang Santa Lucia ngadto sa iyang buhatan aron buhaton niini nga paglimpiyo sa mga lapok nga nakaali sa access road sa Lagtang.
Sa milabay'ng semana giaprobahan ang mosyon ni Konsehal Alan Bucao kabahin sa temporaryong pagrebokar sa project permit sa Santa Lucia.