Ang pagdakop natigayon ala 1 sa hapon niadtong miaging adlaw sa usa ka motel nga nahimutang sa dalan Hernan Cortes sa Banilad, siyudad sa Mandaue.
Ang gipadakop sa bana mao si Pamel, 23 anyos, minyo nga nagpuyo sa sitio Ipil-Ipil, barangay Capitol Site sa dakbayan sa Sugbo.
Ang kirida niining lalaki nga lakip usab sa gidakop mao si Arnie Arches, 26 anyos, ulitawo nga taga Sta. Cruz sa nahisgotan gihapong barangay sa nahisgotang dakbayan.
Si Ronald (apelyido gipugngan) 22 anyos, ang bana ni Pamel midangop sa pagpangayog panabang sa mga barangay tanod ug maoy mikuyog sa pagdakop sa asawa ug sa iring-iring niining lalaki.
Sa nasayran nga ang bana sa nadakpan nga asawa ang buot untang mosulod sa motel uban sa mga barangay tanod aron sa pagdakop gayod niini sa sulod sa lawak sa maong motel uban sa lalaki nga kuyog sa pag-check in niini.
Wala mohatag sa ilang pagtugot ang management sa nahisgotang motel nga maoy hinungdan nga giatangan na lamang sa pultahan ang pag-check out niini nga nagluwan og sakyanan.
Ang kasong adultery maoy gipasakang kaso sa bana batok sa iyang asawa ug ingon man sa hinigugma niini.