Ang maong ronda pinanguluhan ni Chief Insp. Rex Derilo ang operations chief sa Criminal Intelligence and Detection Group 7 inubanan sa mga sakop sa Cebu Anti-Indecency Board (CAIB).
Ang CIDG7 nakadawat og reklamo gikan sa CAIB pinanguluhan ni Dr. Joseph Bullecer nga gipadangat diha kanila niadto pang Septiyembre 21 kalabot sa mga gidisplay nga mga malaw-ay nga VCDs ug DVDs diha sa maong video house.
Gibana-banang mokabat sa P22,800 mil ang kantidad sa 216 ka mga VCD ug DVD diin tag P100 ang usa ka VCD ug P250 usab ang DVD nga pulos dunay mga holographic stickers sa Videogram Regulatory Board.
Sumala pa ni Derilo sa Banat News nga bisan legal nga dunay sticker ang maong mga VCDs ug DVDs mahimo gihapon kining dakpon gumikan sa pag-display niini nga gidili sa City Ordinance 1408.
Wala hinuoy gisikop sa maong operasyon kundili ang pagkumpiskar lamang sa maong mga paninda.