Airman nanukmag og duha ka polis

Gidakop ug gibalhog sa bilanggoan ang usa ka sarhento sa Philippine Air Force (PAF) kinsa gitabangan og kulata sa mga estambay apan nanukmag na hinuon sa duha ka polis nga mitubag sa alarma.

Si Sgt. Roy Marabeles, hingkod ang panuigon, minyo nga nadistino sa General Benito Ebuen Air Base sa Mactan, siyudad sa Lapu-Lapu ang gibalhog karon sa bilanggoan sa kapolisan sa maong dakbayan.

Ang nagdakop kang Marabeles mao sila si PO3 Jonathan Espinoza ug PO2 James Fuentes nga nadistino sa traffic section sa kapolisan sa maong dakbayan.

Dugang nga nahibaw-an sa Banat News nga gawas sa mga bun-og nga naangkon nila ni Espinoza ug Fuentes ang ilang badge ang lakip usab nga nawagtang human sa karambola.

Sumala pa nga si Sgt Marabeles nga nakasugat og panaglalis sa nahitabong aksidente sa sakyanan hangtod nga gitabangan kini sa pagkulata sa mga estambay.

Dali nga giduol nila ni PO3 Espinoza ug PO2 Fuentes ang sarhento aron susihon kun unsay nahitabo apan giatubang na hinuon sila niini ug gikulata.