Ang pagbukas gisugdan pinaagi sa usa ka parada nga nanukad sa Capitol grounds ning dakbayan ug miparada diha sa Jones Avenue, P. Del Rosario, Junquera, Sanciangko ug anha misangko sa University of the Visayas Gymnasium.
Ang tagsa-tagsa ka mga media outfits sa dakbayan gikan sa janitors, clerks, machine operators, drivers, circulation, marketing, photographers reporters, editors ug mga kolumnista miuban sa maong parada.
Gisugdan sa kalihukan diha sa UV Gym pinaagi sa usa ka santos nga misang gisaulog ni Cebu Archbishop Ricardo Cardinal Vidal kinsa mihatag og maayo ug bug-at nga homily sa mga sakop sa media pinaagi sa pagpamata sa mga responsibilidad sa maong sektor diha sa katilingban.
Ang Banat News/The Freeman mi- grandslam sa parada human gikabkab ang "Most Liveliest, Most Colorful ug Star of the Parade, gumikan sa kooperasyon sa mga kawani niining mantalaan nga nanguyog sa parada.
Mitumaw nga mananaog sa gihimong Press Freedom Gayest mao si Banat News entertainment ug The Freeman police beat reporter Ryan Mark kinsa miani og abiba sa kadaghanan.
Samtang ang napiling 11th Miss Cebu Press Freedom mao ang maanyag nga sports correspondent sa Cebu Daily News nga si Tanya Chica.
Human sa pabonggahay sa isig ka manok sa matag media outfit misunod usab ang raffle sa mga premyo nga mga home appliances, gift certificates, mahalong mga cellphones gikan sa mga nagkadaiyang sponsors nga miabaga niini.
Dunay mga namauling malipayon kay sila maoy mapalad nga nakakuha sa premyo samtang duna say nakaingon na lang og dili pa ilang swerte kagahapon.
Hinuon duna pay laing mga premyo nga nagpaabot sulod ning usa ka semanang selebrasyon sa ika- 11 ka tuig nga Cebu Press Freedom