Giila ang duha nga mao sila si Evarista Batoctoy, 63, biyuda molupyo sa barangay Ocaña lungsod sa Carcar ug Liza Quevido, 50, minyo taga Hulumaynon, Dalaguete pulos manindahay og mga utanon sa pampublikong merkado.
Si SPO2 Benjamin Villahermosa sa pakighinabi sa Banat News mitug-an nga usa sa duha ka mga tulisan nga nagtaptap nailhan sa drayber nga habal-habal nga gisakyan sa mga biktima nga si Basilides Gonzales.
Sigun pa sa kapolisan nga giatangan sa mga suspek ang gisakyang motorsiklo sa mga biktima ug gipangtiunan og armas de fuego ug mahait nga hinagiban.
Sumala pa ni Gonzales, drayber usab sa habal-habal ang usa sa mga suspek nga nailhan sa ngan nga Toto Bores, taga Barangay Pogalo, Alcoy kini bisan nagtaptap kini sa nawong.
"Nagtaptap man sila kuno sa nawong pero nailhan gihapon kay pamilyar man kaayo sa testigo kay kauban ra gud sila sa pamasahero og habal-habal," asoy pa ni Villahermosa.
Nakuha gikan sa mga biktima ang P9,000 nga puhunan samtang dali usab nga nangikyas ang mga suspek.