Barangay election sa 2008 paborabli

Ang pagpahigayon sa eleksyon sa barangay paborabli kaayo unya sa 2008, matud pa ni Kongresista Eduardo Gullas sa ikaduhang distrito sa lalawigan sa Sugbo.

Usa sa lig-ong katarungan, matud pa ni Gullas mao nga sa tuig 2007 may eleksyon usa nga regular alang sa mga opisyales sa lokal nga kagamhanan, busa dili maayong idungan ang barangay election.

Dili usab mahimong ipahigayon kini sa tuig 2006 gumikan kay apeke kaayo sa kuwarta ang panudlanan sa kagamhanan.

Si Gullas kinsa miyembro sa bicameral conference committee sa Ubos Balay Balaoranan mihimo ning maong pamahayag gumikan sa balaodnon sa Senado nga nag-awhag pagpahigayon sa election sa barangay sa tuig 2006.

Sa laing bahin, si Kongresista Raul del Mar sa amihanang distrito sa Cebu City miingon nga mas mosaler ang ilang gisugyot nga unya na sa 2008 ipahigayon ang eleksyon sa mga opisyal sa barangay tungod kay suportado kini sa mga opisyal sa barangay.

Gani ang Liga ng mga Barangay sa Pilipinas miuyon niining maong petsa kon panahon, matud pa ni Del Mark.

Karong Septiyembre 22 gikatakdang magtagbo ang BCC aron hisgotan ang maong isyu.

Kini samtang ang senado naglaraw na sa pagpatuki ning maong isyu pinaagi sa komitiba nga pagasakpan sa mga magbabalaod sa ubos balay balaoranan ug sa senado.

Ang eleksiyon sa barangay unang gitakda niining Oktobre karong tuiga apan gioktaba kini tungod sa kasamtangang suliran nga mihugpa sa nasud.

Tungod niini debatihan kini sa mga magbabalaod sa nasud pagtino kon unsa gyung tuiga ang angayang pahigayon sa piniliay alang sa mga opisyal sa barangay.