Si Leonardo Baricuatro nagkanayon nga ilang gihinaot nga matuman kining maong programa sa Department of Labor and Employment (DOLE).
Nasayran nga ang maong proyekto maoy kabahin sa "Social Protection Program for the Workers in the Informal Sector sa DOLE.
Gisugdan na kini pagpatuman didto sa National Capital Region ug namatud-an nga nakatabang kaayo og dako sa kaliboan sa mga drayber sa traysikol.
Sa maong programa kauban sa DOLE nga San Miguel Corporation SMC ug ang Philippine Savings Bank aron maoy moabaga sa "counterpart" nga premium sa matag drayber.
Dili pa dugay gibutyag ni Kalihim Patricia Sto. Tomas sa Dole nga ang pagpasiguro sa mga drayber sa traysikol diha sa SSS usa sa mga programa ni Presidente Gloria Macapagal Arroyo.
Kini sa tinguha sa Pamuno Nasud nga makabaton og maayong kaugmaon ang pamilya niining maong mga molupyo sa panahon nga dunay mahitabo sa ilang kinabuhi.
Ang mga drayber sa traysikol walay amo kay wala sila mangimpliyo busa maglisod sila sa ilang kaugalingon pagpasakop sa SSS kon walay mopadasig ug migiya kanila.
Pinaagi ning maong programa nga gipangunahan sa Dole, dili na maglisod ang mga drayber sa pagkahimong sakop sa SSS.