Gipusil maka-upat samtang nag-disko

Usa ka lalaki gideklarar nga patay nang milandig sa tambalanan dihang gipusil kini samtang nag-disko didto sa Barangay Dumlog dakbayan sa Toledo.

Ang biktima nga si Jovanni Obeña, 27 anyos ug lumolupyo sa Barangay Sangi sa naasoy'ng siyudad, nakaangkon ug upat ka samad pinusilan dihang gipusil kini sa wala pa mailhing suspetsado.

Si SPO3 Virgilio Manatad miingon nga niadtong Domingo sa gabii, adunay gikalalis si Obeña nga tulo ka tawo ug dangtan ug pila lang ka oras kalit na lang kini nga gipusil sa makaupat ka higayon sa wala pa mailhing suspetsado hinungdan nga gidali kini pagdala sa Toledo District Hospital.

Ang biktima nakaangkon ug duha ka samad pinusilan sa iyang likod, usa sa iyang tiyan ug naigo usab ang iyang kamot nga maoy nakaingon sa iyang kamatayon.

Ang duha nga gikalalis sa biktima sa wala pa mahitabo ang maong pagpamusil dali nga nakasakay og motorsiklo pahilayo. Ang kapolisan sa dakbayan sa Toledo padayon gihapon sa ilang gihimong imbestigasyon aron pagsuta kinsa gyud ang nagpusil kang Obeña.