9 patay sa dengue sa Bohol

Bohol - Muabot sa siyam ka mga tawo ang namatay samtang 177 ang nadala sa tambalanan human kini mabiktima sa sakit nga dengue gikan sa buwan sa Enero hangtud na sa buwan sa Agosto karong tuiga.

Ang mga tinugyanan sa panglawas ning probinsya mitaho sa buhatan sa gobernador nga sa mga nangamatay tulo niini ang gikan sa lungsod sa Lila, usa ang sa dakbayan sa Tagbilaran, lungsod sa Tubigon, Loay, Panglao, Inabanga ug Antequera.

Kadaghanan sa mga nabiktima gikataho nga mga bata og kini sila mga tinun-an.

Human madawat ang taho, si Gobernador Erico Aumentado mimando dayon sa halapad nga kalihukan sa pagpanglimpyo.

Nakita sa gobernador nga angayan nila sanungon ang mando nga giluwatan sa DOH.

Ang DOH mimando ngadto sa mga opisyal lokal nga muhimo gayud sa ilang halapad nga kalihukan kabahin sa pagpanglimpyo.