Kaso sa dengue misaka

Negros Oriental - Misaka karon ang kaso sa dengue ning probinsya diin mikalas na usab kini og upat ka mga tawo samtang 379 usab ka tawo ang nadala sa nagkalain-laing mga tambalanan.

Mao kini ang taho nga giluwatan sa rehiyonal nga buhatan sa Department of Health nga mipalapad karon sa ilang pagmonitor sa kaso sa dengue.

Sa gidaghanon sa mga nasakit sa dengue, nag-una niini ang dakbayan sa Dumaguete hadiin adunay usa ang patay samtang 147 ka mga biktima ang nadala sa tambalanan.

Misunod ang lungsod sa Amlan nga mitala usab og 43 ka mga kaso.

Si Gobernador Erico Aumentado mimando ngadto sa mga opisyal lokal nga seguroon gayud niini nga aktibo ang mga municipal health officer sa ilang lungsod.

Gimando usab karon sa gobernador ang halapad nga kampanya bahin sa pagpanglimpyo.