Kiwanis in-charge sa donasyon

Gi-tap ni Mayor Tomas Osmeña ang Kiwanis Club nga maoy tahasan pagpanawat og donasyon gikan sa pribadong sektor aron ihinabang ngadto sa pamilya sa duha ka polis nga napusilan patay atol sa ilang pag-responde og alarma didto sa Nivel Hills, Lahug niadtong Domingo sa gabii.

Ang kanhi presidente sa Kiwanis ug kasamtangang in charge sa Cultural and Historical Affairs Commission An Conejero maoy gitugyanan ni Osmeña nga maoy modumala sa pagpanawat sa mga donasyon.

Gipasalig ni Osmeña ang paghatag og 300 mil pesos nga hinabang pinansiyal ngadto sa pamilya nila ni PO2 Armando Juegos ug PO2 Oliver Jamboy.

Nunot niini, gihulagway ni Osmeña nga usa ka dakung kapalpakan sa tibuok organisasyon sa kapolisan ang nahitabo sa duha ka polis nga nadestino sa Crime Suppression Unit (CSU).