Ang milandig sa tambalanan mao si Arnel Birol,28, stock clerk sa usa ka tindahan dinhi sa dakbayan ug nagpuyo sa dalan General Maxilom sa maong barangay.
Gitumbok nga nagtabang og tigbas kaniya mao sila si Armand Tigbas,hingkod ang panuigon ug usa ka naila lang sa ngalan nga Bernie pulos mga molupyo sa maong dapit.
Sumala pa sa kapolisan kalit lang giduol sa mga suspek ang biktima diha sa gilingkuran niini samtang nakig-inom sa mga higala ug way daghang istorya gihapak ni Tigbas og bunal ang ulo ni Birol hinungdan nga nahagba kini sa yuta.
Nianang tungora giingong gisundan siya og tigbas sa kauban ni Tigbas nga maoy nakaangol sa iyang walang kamot ug bitiis. Dali usab nga nangikyas ang mga suspek samtang gidala siya sa Cebu Doctors Hospital.