Local officials sa CV giawhag sa kapolisan

Negros Oriental - Giawhag sa usa ka dakong opisyal sa kapolisan sa tibuok Central Visayas ang mga opisyal lokal ning probinsya nga gikinahanglan nga ilang palig-onon pag-ayo ang ilang maayong relasyon ngadto sa katawhan.

Si Police Regional Office-7 Deputy Director for Operations Senior Superintendent Ronald Roderos mihimo sa maong awhag human niya makita nga kini maoy gikinahanglan alang sa maayong relasyon sa publiko og sa PNP.

Matud pa ni Roderos nga gikinahanglan gayud kaayo nga mapalig-on sa mga opisyal lokal ang ilang Integrated Area Community Public Safety Plan.

Gipasabot ni Roderos nga niini nga paagi malambigit ang publiko ang kalihukan ilabi na gayud kabahin sa pagpatunhay sa kahusay ug kalinaw.

Nagkanayon si Roderos nga mao usab kini ang paagi diin ang publiko mahibawo unsa kadako ang ilang papel alang sa kaayuhan sa atong nasud.