Donasyon para's Pardo Science High

Dul-an sa P100 mil ang kantidad sa mga science equipment nga gihatag ngadto sa Pardo National Science High School gikan sa Joshua Foundation ug Toyoflex Cebu Corporation niadtong milabayng adlaw.

Si Dr. Eileen Irina prinsipal sa maong tunghaan nagkanayon nga daku kaayong tabang ngadto sa mga tinun-an para sa ilang pagtoon ang nahisgutang mga ekipo.

Ang mga ekipo nga gihatag naglakip sa 5 ka unit nga microscope, usa ka skeletal system, usa ka human anatomy ug usa ka skull.

Si Takashi Tanaka maoy presidente sa Toyoflex mipadala ni Yumiko Marison isip iyang representante ug sinaligan kinsa maoy mitugyan sa nahisgutang mga ekipo ngadto sa school administrator.

Diin si bise mayor, konsehal Joy Pisquera tsirman sa komitiba sa edukasyon ug si Department Education (DepEd) representative Mark Gabuya Division Science Coordinator mitambong sa maong kalihokan.