Tulisan nang-hostage, gipusil

Ang napusilan mao si Gilbert Debalucos, 37, minyo ug molupyo sa Cuanos lungsod sa Minglanilla, samtang ang nakapusil kaniya mao ang gwardiyang si Victor Agua,23, taga Pardo.

Sumala pa sa imbestigasyon sa Pardo Police Station ang suspek kalit lang mition og kutsilyo sa kaherang si Gesil Masillonoes Balighot,20, taga Basak ning dakbayan ug pugsanong gikuha ang P2,200 nga halin sa lana.

Apan ang babaye kalit misiyagit og tabang sa mga kauban maong giluok siya sa suspek ug giguroy ug gihostage. Usa sa mga pump boy nga si Franklin Marquez kinsa nakabantay daling misunod sa suspek ug gihapsan ang agtang og botelya sa softdrinks si Debalucos.

Ang suspek bisan nalipong misuway og hamag sa mga kawani apan diha na si Agua maong gipusil kini sa tuong bukton. Ang kapolisan nga nakaresponde mao nay midala kaniya sa tambalanan.