Simbahan nasunog

Naangol ang duha ka tawo dihang ang duha ka andana nga residential house nga gihimo usab nga simbahan sa usa ka pundok sa relihiyosong tinuohan human nasunog ug hingpit gayod nga naugdaw.

Mokabat gayod sa P100,000 ang danyos sa sitio Casanta sa Mactan 2, siyudad sa Lapulapu nga nakontrolar sa mga bombero ang kalayo sa ilang pagpawong niini sulod sa usa ka minutos.

Ang naangol mao sila si Naneth Ycong ug Jeffrey Silawan, pulos hingkod ang panuigon nga nagpuyo usab sa maong lugar kinsa maoy mihimo sa paghimo og pasiunang pagpawong sa kalayo nga maoy nakaingon sa mga paso sa bukton nga ilang naangkon.

Si F03 Edgar Amores sa Bureau of Fire Protection (BFP) sa maong dakbayan nga gikahinabi sa Banat News miingon nga nagsugod sa lawak sa higdaanan ang kalayo ug dali lamang kining nakakaylap sa tibuok palibot niini.

Dugang pa niya nga nakalimtan pagpawong ang ceiling fan sa balay ug maoy gituhoang hinungdan sa sunog.