Alimaong group dili pagukdon sa vigilantes

Grupong Alimaong nga misaad nga gubaton ang mga vigilante sikopon sa mga polis kun makigharong og gubat sa vigilante sanglit mosamot kagubot ang dakbayan sa Sugbo.

Kini maoy gitug-an sa Banat News ni City Police Director Supt. Melvin Gayotin gumikan kay imbes nga makatabang makamugna hinuon og problema sa kahapsay ug kalinaw sa dakbayan.

Si Engr. Roderick Sumatra, national chairman sa Alimaong sa mga unang pakighinabi sa mga tigbalita mipadayag og kaandam ang ilang grupo nga pakigbatukan ang mga naglihok nga vigilante dinhi sa dakbayan nga mitipi na og 88 ka tawo.

Si Gayotin nagkanayon kutob lang sa intelligence gathering ug paghatag og impormasyon ngadto sa kapolisan ang matugot sa kapolisan kanila sanglit kun molapas na niini mahimo na silang dakpon.

"We can allow them in gathering intelligence information but beyond that they'll be arrested," asoy pa ni Gayotin.

Ang grupong Alimaong nangangkong dunay 200 mil ka mga sakop ug kadaghanan kanila giangkon usab nga dunay mga lisensyadong armas.