Cellshop owners palukaton og NTC permit

Mopasar og balaodnon ang tsirman sa committee on laws sa konseho sa dakbayan Konsehal Edgardo Labella nga maghimo nang compulsory sa tanang mga tagdumala ug cellular phone repair shop nga mo-apply kini ug permiso gikan sa National Telecommunication Company (NTC) sa dili pa maisyohan o ba kaha i-renew ang ilang business permit sa siyudad.

Ang maong balaodnon gitumong aron pagsiguro nga malikayan ang mga pagpamalit ug pagpamaligya sa mga kinawat nga mga cellular phone ug uban pang mga dautang binuhatan.

Apil sa ma-apektuhan ning maong gipapanday nga balaodnon mao ang mga nag-negosyo og mga mobile phone ug mga handheld radio communication devices.

Nasayran nga pagkakarun dunay daghang mga cellular phone repair shop ingon man mga mamaligya-ay ug cellphone accessories dinhi sa dakbayan ang padayung nag-operate bisan og wala makakuha ug permit gikan sa NTC.