Kini human mipagawas og memorandum ang Comelec nga ipa-implimentar ang Minute Resolution No. 05-0811 nga nagtugot sa pagpatuman usab sa Minute Resolution No. 05-0778 nga nagpetsa og Hulyo 5, 2005 ug kamanduang ipadayon ang Comelec Resolution No. 7463 nga pagpadayon sa pagdawat og pagrehistro sa mga bag-ong botante.
Lakip sa gitugot mao ang pagrehistro sa mga nag-edad pa og 16 anyos nga mahimo nang makabotar karong umaabot nga 2007 elections apan dili makasalmot sa pagboto karong Oktubre 31, 2005 para sa barangay elections.
Ang maong kalambuan maoy nakapaukay sa mga barangay officials gumikan kay wala sila makapreparar sa maong kalihukan. Kahinumduman nga si Rep. Eduardo Gullas uban sa 21 ka mga kongresista mipasar og balaudnon nga nag-awhag nga ipauktaba una ang eleksyon sa barangay ug ingon man sa SK.
Apan gumikan sa debatihay ug kagubot karon didto sa Kongreso gumikan ning planong pagpataktak kang Presidente Gloria Arroyo nataligam-an na ang maong balaudnon nga walay resulta busa gumikan sa walay bag-ong balaod labot niini ang Comelec midesider sa pagpadayon sa kung unsay naandang pagpahigayon sa piniliay base sa termino sa mga incumbent barangay ug SK officials.