5-anyos gi-finger; 16 anyos nga mahuyang ang suspek

Singko anyos nga bata mireklamong gi-finger sa usa ka minor de edad nga lalaking "mahuyang" nga maoy tig-atiman kaniya ug lain pang duha ka bata diha sa Villagonzalo Dos barangay Tejero ning dakbayan.

Sumala pa sa imbestigasyon sa Family Juvenile and Gender Sensitivity Section sa Cebu City Police Office nahitabo ang pagpanglugos sulod sa banyo sa balay sa biktima niadtong Martes sa buntag.

Ang pamilya sa bata(ngan gipugngan) gikatahong suod nga silingan sa suspek(ngan gipugngan) maong kini na ang mokaligo sa bata ug motabang sa pagpangandam sa pagtungha niini sa nursery school.

Apan niadtong higayuna gikatahong gimolestiya sa suspek ang bata samtang kini gikaliguan diha sa banyo, giingong gisulod niini ang iyang tudlo ngadto sa kinatawo sa biktima.

Nianang pagkasunod adlaw nga biktima gikatahong mireklamo sa iyang inahan gumikan sa kasakit sa kinatawo niini hinungdan nga gisukit-sukit kini sa inahan maong mitug-an ang bata ang gibuhat sa suspek diha sa iyang kinatawo.

Nunot niini ang inahan sa bata daling nangayo og tabang sa mga barangay tanod sa Tejero ug gipangita ang suspek uban sa tanod nga si Alfredo Cabanada ug didto nila maabti ang suspek sa pundok sa mga "mahuyang" diha sa Pier 3 niadtong milabay'ng adlaw.

Gikatahong sa pagpangutana sa mga imbestigador sa Womens Desk miangkon ang suspek nga makausa pa niya kini gibuhat sa biktima gumikan kay niadtong tungura "nakatama" kini apan wala moklaro kun unsay gigamit niini.

Ang suspek gibalhog na karon sa karsel sa kapolisan samtang ang biktima gidala sa tambalanan ug mitumaw nga nahilabtan gyud ang biktima, ang suspek gipasakaan og kaso kagahapon ug nahilam na sa mabugnaw'ng kabilya sa prisuhan.