Si Bise Gobernador Julius Caesar Herrera nga mao karon ang kasamtangan nga gobernador mipadayag niini human madawat sa iyang buhatan ang reklamo gikan sa katawhan nga dili dayon maatiman sa mga publikong tambalanan.
Matud pa ni Herrera nga gikinahanglan gayud mahatagan sa dinalian nga aksyon kining maong problema.
Midugang si Herrera nga ang kakulang sa mga mananambal mao usab ang makahatag sa dakong problema sa paghatag sa serbisyo ngadto sa katawhan.
Usa sa gihimong sanglitanan ni Herrera ang sitwasyon karon sa Governor Celestino Gallares Memorial Medical Center.
Nahibaw-an nga sa pagka karon kining maong tambalanan adunay pagkulang sa mga mananambal.
Gipasabot ni Herrera nga angayan gayud nga matabang kining maong problema sa tambalanan.
Ang pasyente nga gikan sa kalungsoran ang gikataho nga dad-on gayud ning maong tambalanan.