Panagang sa landslide

Negros Oriental - Mga opisyal sa nagkalain-laing mga lungsod ning probinsya giawhag karon nga muhatag gayud sa igong pagtagad aron sa ingon mulambo ang agri-park sa ilang tagsatagsa ka lugar.

Si Regional Director Eduardo Lecciones miingon nga ang pagpalambo sa kalihuka sa agrikultura sa us aka lugar og himuon kini nga makadani sa mga katawhan ilabi na sa mga turista angayan gayud kaayo.

Matud pa ni Lecciones nga adunay maanindot nga lugar ning probinsya nga haom gayud kaayo alang sa maong kalihukan.

Midugang si Lecciones nga kini dako usab kaayo og ikatabang sa kalambuan sa usa ka lugar.

Gihimong sanglitanan niini ang kalampusan nga nahimo sa lungsod sa Ubay sa probinsya sa Bohol.

Matud pa ni Leccions nga angayan nga sundon ang mga paagi nga gisagop sa maong lungsod.

Nahibaw-an nga sa pagka karon ang lungsod sa Ubay mao na usab karon ang giduaw sa mga turista nga nakagusto sa kaanindot sa talan-awon niini.

Gitataw hinuon ni Lecciones nga kini mag-agad usab hinoon sa pagpakabana nga ipakita sa katawhan ingon man gayud sa mga opisyal lokal niini.