43 mil katrabaho suportado sa bokal

Hugtanong gisuportahan ni Provincial Board Member Victor Maambong ang tinguha karon sa Department of Labor and Employment (DOLE-7) nga pagmugna og mokabat sa 43 mil ka nga trabaho.

Ang maong tinguha sa DOLE maoy gilauman nga ang maong gidaghanon sa mga bakanteng trabaho nga kasudlan alang niadtong nagpangita og trabaho gikan Central Visayas.

Si DOLE 7 Promotion and Division Chief Grace Diaz sa mga pagpakighinabi sa mga tigbalita mipadayag kinsa miingon nga mokabat sa 21 mil ka gidaghanon ang ilang natabangan nga nagsugod sa Enero sa miaging tuig hangtod hangtod sa Hunyo niining tuiga.

Dugang pa niya nga dako usab og gikatampo ang pagtabang sa business sector ngadto sa mao nilang programa isip kabahin sa pagpalambo sa ekonomiya sa nasud.

Gipasabot usab niya nga ang pagpasiugda og mga job fair sa matag kompaniya dako usab og gikatampo nga maoy hinungdan nga natigayon gayod ang job fair aron usab makasulod ang nagkinahanglan pa og trabaho.