Pahimangno gikan DOH

Bohol - Gipahimangnuan karon sa rehiyonal nga buhatan sa Department of Health ang katawhan sa pagbantay sa tubig nga ilang gamiton ilabi na gayod kini ila nang imnon.

Ang pahimangno giluwatan sa DOH sa tinguha nga magbantay ang katawhan sa ilang pagamit sa tubig ilabi na gayud niining panahon karon sa ting-ulan.

Nabalaka ang mga opisyal nga kon dili sila magbantay mao kini ang hinungdan sa bisan unsang matang sa sakit.

Sagad kini mahitabo niadtong mga lugar diin ang katawhan nagsalig lang sa tubig gikan sa atabay og ingon man tinubdan.

Si Bise Gobernador Julius Caesar Herrera midason sa pamahayag sa kadagkuan sa DOH.

Matud pa ni Herrera nga importante gayud kaayo nga tumanon sa katawhan ang mando sa DOH.

Usa sa mando sa DOH ngadto sa katawhan mao ang pag init sa tubig nga ilang gamiton ilabi na gayod kon kini alang sa ilang imnon.