Ang mga residente miduso og reklamo ngadto sa buhatan ni Bise Mayor Aberdovey Belleza.
Usa sa mga miduso og reklamo ngadto ni Belleza mao si Joe Bas kinsa gipadalhan kini og suwat gikan sa Citibank.
Ang maong suwat gi-dispatch gikan sa Cebu City post office niadtong Mayo 18 niining tuiga apan nadawat niya niadtong Hunyo 24 niining tuiga dihang ang representative na sa iyang buhatan ang mikuha niini tungod kay wala kini ma-deliver sa kartero. Mikabat og 28 ka adlaw una pa niya kini madawat.
Si Belleza nagkanayon nga daghan usab siyang madawat nga tawag sa telepono kabahin gihapon sa maong problema.
Si Talisay city postmaster Seferly Benito Soria nagkanayon kagahapon sa Banat News nga tungod sa kakuwang nila og tawo hinungdan nga malangan ang pag-deliver sa mga suwat.
Gipadalhan sila og dugang nga tawo gikan sa regional office aron masulbad ang ilang problema.