580 operators kuhaa'g franchise kay apil sa welga

Mikabat sa 580 ka mga operator sa sakyanang pampubliko ang mawagtangan og "franchise" gumikan sa pagsalmot niini sa welga sa mga sakyanan niadtong Lunes atol sa state of the nation address (SONA) ni Presidente Gloria Macapagal Arroyo.

Matud pa ni Regional Director Rogelio Osmeña sa Land Transportation Franchising and Regulatory Board (LTFRB) nga iya nang gisugdan ang pagpadala og sumon sa matag usang hinugtungdan.

Naa na sa opisina ni Osmeña ang tanang ngalan sa imbestigahunong mga operator nga mapaabot nga makadawat og sumon sugod ning semanaha.

Miingon si Osmeña nga ginatuson niya kini pagpatawag gumikan kay kon pintahon ang 580 dili kini moarang sa iyang opisina.

Unahon ni Osmeña ang pag-imbestigar sa 100 sundan na usab sa laing 100 hangtod nga maimbistigar niya ang tanan.

Inighuman sa imbestigasyon, kanselahon dayon ni Osmeña ang tagsatagsa nila ka prangkisa.