Paghatag og dugang trabaho

Bohol - Gipaluyohan ni Gobernador Erico Aumentado ang tinguha karon sa administrasyon ni Presidente Gloria Macapagal Arroyo nga magdani sa dugang mga tag-iya og puhunan aron sa ingon makahatag kini og dugang trabaho ngadto sa katawhan.

Si Gobernador Aumentado miingon nga mao kini ang iyang nakita nga importa te gayod kaayo nga mahatagan sa igong pagtagad sa administrasyon ni Presidente Arroyo.

Midugang si Aumentado nga ang kalisud sa katawhan mao karon ang nag-una nga problema sa katawhan.

Adunay daghan nga kompaniya ang misira sa ilang operasyon hinungdan usab nga daghan ang nawad-an sa ilang trabaho.

Gipasabot ni Aumentado nga ang mga trabaho nga gikinahanglan karon sa katawhan mao ang makahatag kanila og kaharuhay.

Siya nanghinaut nga unta matuman kini nga programa ubos sa administrasyon ni Presidente Arroyo.