Si Gobernador George Arnaiz ning probinsya nakadawat og pasidungog gikan sa Regional Nutrition Council gumikan sa kalampusan niini sa pagpatuman sa programa.
Nakita sa mga miyembro sa RNC nga ang kagamhanan sa probinsya mipakita gayud sa ilang ka seryuso sa pagpatuman sa programa kabahin sa paghatag og maayong panglawas sa mga mulopyo sa probinsya.
Gani kini nga programa nakadawat man usab og suporta gikan sa mga opisyal sa kalungsoran ingon man sa kabarangayan.
Matud pa ni Gobernador Arnaiz nga ang kalampusan sa pagpatuman sa programa sa iyang administrasyon ang tabang sa tanang sektor.
Mga opisyal sa barangay mipatuman sa maong programa human nila makita nga kini angayan gayod sa pagsuporta.
Gihatagan sa igong pagtagad sa kagamhanan sa probinsya ang tabang ngadto sa mga mag-uuma.
Gawas niini gihatagan usab sa igong prayoridad ang programa pagtukod og kadalanan sa kalungsoran nga naghatag og kasayon sa mga mulopyo pagdala sa ilang produkto sa umahan sa merkado sa kalungsoran.