Sec. Reyes suportado

Bohol - Gipaluyohan ni Gobernador Erico Aumentado ang tinguha karon ni Secretary Angelo Reyes paghatag og kasulbaran niining pagkulang og sakyanan sa kabomberohan sa mga dakbayan og lungsod sa tibuok nasod.

Si Gobernador Aumentado miingon nga taud-taod na kining maong problema nga gikinahanglan gayod kaayo hatagan sa igong pagtagad.

Matud pa ni Aumentado nga ang probinsya sa Bohol nakasugat niini nga problema ilabi na gayod kon mahitabo ang sunog.

Nahibaw-an nga katunga sa mga lungsod ning probinsya ang walay ilang kaugalingon nga sakyanan sa bombero.

Usa sa nakasinati niining maong problema mao ang isla nga lungsod sa Panglao.

Naglaum si Aumentado nga magmalampuson unta si Reyes sa iyang tinguha.

Si Reyes mipahibawo nga nakig-alayon karon ang iyang buhatan sa usa ka foundation nga nagbase sa Estados Unidos aron sa ingon makakuha sila og daghang mga firetruck. Q