'Visayas Republic' angay suportahan kini sumala ni Gob. Aumentado

BOHOL - Gibutyag ni Gobernador Erico Aumentado nga gikinahanglan gayod sa pagpaluyo sa kinabag-an nga katawhan kining ilang gitinguha karon nga pagtukod og Visayas Republic.

Matud pa ni Gobernador Aumentado nga usa kini ka seryuso nga lakang nga angayan paluyohan sa mga mulopyo sa Kabisay-an.

Si Aumentado miingon nga ang ilang tinguha nauyonan sa mga gobernador sa tibuok Kabisay-an.

Mao kini ang ilang gihimong hulga sa mga lider sa kaulohan nga nanawagan nga si Presidente Gloria Macapagal Arroyo angayan muluwat sa katungdanan.

Gipasabot ni Aumentado nga ang suporta nakuha gihapon sa presidente gikan sa mga katawhan sa mga probinsya.

Midugang si Aumentado nga pipila lang ang didto sa kaulohan nga nanawagan nga si Arroyo angayan na nga muluwat sa katungdanan.

Gipasabot sa gobernador nga sinsero gayud sila sa maong tinguha.