Pagpustahanay gisaway ni Biazon

Hugtanong gisaway ni Senador Rodulfo Biazon ang mitumaw karon nga pagpustahanay sa kampo ni Senador Panfilo Lacson ug sa Malakanyang aron lang sa pagpagawas sa kamatuoran sa mga pasangil sa oposisyon batok kang Pangulong Gloria Macapagal-Arroyo.

Matud pa ni Biazon nga pagpagawas sa kamatuoran dili ang angay pa nga ipaagi sa pagpushanay sanglit matataw na hinuon nga personalan na ang tumong ug mogawas na nga personal interest lang ang ipatigbabaw.

Sa nasayran nga gihagit si Senador Lacson sa kampo ni Pangulong Arroyo nga moluwat sa katungdanan kon mapamatud-n kon kinsa kanila ang nagtumo-tumo sa mga pasangil niini.

Sumala ni Biazon nga dili angay nga sakyan sa pangulo ang maong pustaanay sanglit dili kini makahatag og kasulbaran sa nahitabong political crisis karon sa nasud.

Dugang pa ni Biazon nga dili usab angay mabalaka ang katawhan nga mag-apil-apil ang militar sa nasinati karong political crisis sa nasud.

Giklaro niya nga ang kasundalohan dinhi sa nasud ang misaad ngadto kaniya sa dili gayod pagpanginlabot sa politikanhong kaguliyang sanglit higpit nilang tumanaon ang gilatid sa konstitusyon.