200 pa ka operator sa PUJ nakakuhag prangkisa

Mokabat na sa duha ka gatos ka mga operator sa PUJ nga pasaheroan dinhi sa Sugbo ang nakapahigayon sa pagkuha og certification gikan sa buhatan sa Land Transportation and Franchising Regulatory Board (LTFRB-7) alang sa peso nga usbaw sa minimum nga plitehan.

Mao kini ang nahibaw-an gikan kang Rey Elnar, transportation development officer sa LTFRB 7 nga gikahinabi sa mga tigbalita kinsa mihimo og pakisusi niadtong miaging adlaw.

Matud pa niya nga ang mga PUJ nga walay gikapakita nga certification ang dili gayod mahimong mokubra kini sa pagpa-omento og P1 sa plite sanglit ilegal ang pagkubra niini.

Si Elnar ang mipasupot niining maong kasaypanan sanglit nakadawat og taho ang ilang buhatan nga daghan ang mga pasahero nga makiglalis tungod sa pagkubra sa usbaw nga peso sa minimum nga plitehan.

Gitataw niya nga niadto pang miaging bulan ang ilang pagpanghatag og kamandoan nga manghatag na og certification aron ang mga driver sa PUJ aron legal ang ilang pagkubra sa bag-ong plitehan.