Talisay mipaluyo ni Arroyo

Ang kagamhanan sa siyudad sa Talisay misuporta ngadto ni presidente Gloria Macapagal-Arroyo nga magpabilin kini sa iyang pwesto.

Giaprobahan kagahapon sa buntag ang resolusyon numero 2005-128 diin nagkanayon kini nga ang kagamhanan sa siyudad lig-on sa ilang baroganan sa pagsuporta ni Arroyo nga dili kini mokanaog sa pwesto.

Matud pa sa maong resolusyon nga kinahanglan og constitutional due process of law ang insidente nga nahitabo karon kabahin sa presidente.

Ang konseho sa siyudad mopadala og kopya sa nahisgutang resolusyon ngadto ni Arroyo.

Ang nahisgutang resolusyon ubos sa motion ni konsehal Bernard Joseph Odilao.