Misaka ang kita sa ihawan sa Talisay

Abot sa bag-ong ihawan sa Talisay nga toa mahimutang sa barangay Biasong misaka og P143 mil gikan niadtong Hunyo uno hangtud 31 niining tuiga.

Niadtong buwan sa Mayo niining tuiga nagsugod ang operasyon sa maong ihawan.

Si Talisay city administrator Aurora Econg nagkanayon nga niadtong Mayo 1 hangtud 31 niining tuiga ang ihawan mikita og P305 mil.

Ug niadtong Hunyo 1 hangtud 31 miabot sa P448 mil ang kita sa ihawan.

Niining buwan sa Hulyo ang kagamhanan sa siyudad naglaom nga mosaka pa ang abot sa ihawan diin mo-target sila og P500 mil nga kita.

Ang dakbayan maningil og tag P63.50 kada baboy nga ihawon ngadto sa ihawan ug tag P221.00 sa matag dagko nga hayop nga ihawon sama sa baka.