Kapolisan gihagit

Ubay Bohol -Nanawagan karon ang nagkalainlaing sektor ngadto sa kapolisan nga ipakita gayud nga sila sinsero sa paghimog halapad nga kampanya batok sa suliran sa ilegal nga sugal.

Nakita nila nga sa pagka karon padayon pa gihapon nga dakong hulga sa probinsya kining ilegal nga matang sa sugal.

Si Gobernador Erico Aumentado una na nga miluwat og pamahayag nga nagmando ngadto sa kapolisan nga sila muhimog halapad nga kampanya batok sa ilegal nga sugal.

Nakita sa gobernador nga kini nga gimbuhaton iya sa kapolisan.

Daghan ang nagduda nga adunay mga polis nga mihatag og proteksyon sa mga tawo nga nalambigit niini nga klase nga sugal.

Matud pa ni Aumentado nga kinahanglan mahatagan sa igong pagtagad kining maong problema.