Si Gobernador Arnaiz nga maoy tsirman sa Regional Development Council mihimo sa maong awhag ngadto sa mga opisyal lokal human niya makita nga gikinahanglan gayud ang tabang sa mga opisyal lokal.
Matud pa ni Arnaiz nga dili mahibaw-an kon kanus-a muabot ang bagyo og uban pang matang sa kalamidad hinungdan nga angayan gayud ang ilang makanunayon nga pagbantay.
Nagkanayon si Arnaiz nga dakong gimbuhaton sa mga opisyal lokal mao ang pagseguro nga sila kanunay nga andam.
Usa sa iyang nakita mao nga aduna nay mga tawo nga makalihok kon adunay mga panghitabo nga moabot.
Nahibaw-an hinuon nga ang mga sakop sa Regional Disaster Coordinating Council mihimo na sa ilang pagbansaybansay sa mga opisyal lokal.
Nalakip usab sa ilang gipaubos sa pagbansaybansay mao ang mga opisyal sa barangay.